Jambyldyqtardyń 96 paıyzy Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy jaıynda biledi. Bul derekter oblys aýmaǵynda atalǵan baǵdarlamanyń iske asyrylý barysyn qadaǵalaý maqsatynda turaqty túrde júrgiziletin monıtorıń nátıjesinde belgili bolyp otyr dep jazady Qamshy.kz aqparat agenttigi.
Jalpy Elbasynyń baǵdarlamalyq maqalasy jarıalanǵan bergi aralyqta oblysta jalpy kólemi 2,5 mıllıard teńgeni quraıtyn 230 joba júzege asyrylǵan. Qazirgi tańda óńirde Elbasy Nursultan Nazarbaevtyń «Bolashaqqa baǵdar: rýhanı jańǵyrý», «Uly dalanyń jeti qyry» baǵdarlamalaryn júzege asyrylýyn baqylaý, maqalalardaǵy «Básekege qabilettilik», «Pragmatızm», «Ulttyq biregeılikti saqtaý», «Bilimniń saltanat qurýy», «Qazaqstannyń revolúsıalyq emes, evolúsıalyq damýy», «Sananyń ashyqtyǵy» baǵyttary, «Qazaq tilin latyn álipbıine kóshirý», «100 jańa kitap», «Týǵan jer», «Qazaqstannyń kıeli jerleriniń geografıasy», «Jahandaǵy zamanaýı qazaqstandyq mádenıet», «100 jańa esim», «Aýyl – el besigi», «Arhıv-2025», «Uly dalanyń uly esimderi», «Túrki áleminiń genezısi», «Uly dalanyń ejelgi óner jáne tehnologıalar mýzeıi», «Dala fólklory men mýzykasynyń myń jyly», «Tarıhtyń kıno óneri men televızıadaǵy kórinisi» jobalary aıasynda jumystar júrgizetin «Rýhanı jańǵyrý» jobalyq ofısi» qyzmet kórsetýde. Jobalyq ofıs jetekshisi Serikbol Berikqoja barlyq arnaıy jobalar salaaralyq is-sharalar josparynyń oblys ákimimen bekitiletin aıtady.
–Jospar boıynsha bıyl óńirde 83 aýqymdy is-shara uıymdastyrylady. «Bolashaqqa baǵdar:Rýhanı jańǵyrý» baǵdarlamalyq maqalasynan týyndaǵan mindetterdi júzege asyrýdy kózdeıtin bul sharalarǵa oblystyq búdjetten 304,3 mıllıon teńge qarjy jumsalady. Sondaı-aq aldaǵy ýaqytta jas talanttardyń eńbegine laıyqty baǵa berý maqsatynda «Áýlıeata úmiti» syılyǵyn uıymdastyrýǵa nıet etip otyrmyz. Munan bólek, qaıyrymdy jandar men kásipkerlerdi yntalandyrý maqsatynda «Jomart júrek» baıqaýy dástúrli túrde ótkizilip keledi. Oblys aýmaǵynda «Rýhanı jańǵyrý» baǵdarlamasynda atqarylatyn jumystardyń josparyna «Jaınaǵan Jambylym» fotojınaǵyn basyp shyǵarý, «Týǵan jerge týyńdy tik!» forýmyn uıymdastyrý syndy sharalar da engizilgen,–deıdi Serikbol Berikqoja.
